بقلم الشاعر/ خالد عمروني

أسألو ال اتحرمو م ابوهم
عن نعمة الأب ..
وف ال يحكوه صدقوهم
ده كلام م القلب …

يمين يادنيا بالله
ما ف احساس بقهر
ولا مال ولا سلطة ولا جاه
ولا حاجة تكسر الدهر
أد فراق الأب لولاده
بعد ماكان قصادهم وقصاده

فرحان بيهم وبيه فرحانين
واتاخد من وسطهم ف غمضة عين
وقالو عوضنا عليك يارب…
اسألو ال اتحرمو م ابوهم
عن نعمة الأب…..

ال ابوه فارق الحياه 
    وفاتله حملها ...
 ده ال عرف معني الأه
       ومعني ذلها.. 

وأد أيه  ابوه كان شايل
  وكان سد حاميه ..
   ولو بإيده كان طايل 
   يروح يبوص رجليه..

ويقوله اصحي يابا وقوم
بعدك ذادت اوي الهموم
وابنك كره الحياه دي كلها..
ال ابوه فارق الحياه
وفاتله حملها ….

يال لسه  معاك  ابوك
  نصيحة خدها م اخوك 

ع ايده كل يوم
وطي بوسها…
ده ال اغلي م الدنيا
وكنوزها وماسها..

 واوعي مرة تزعله 
 وعامله بود ومحبه ..
 وعن حاله تملي اسأله 
   وحسسه انه ربي ..

ربي راجل
  قلبه كله خير وحب ...
أسألو ال اتحرمو م ابوهم
      عن نعمة الأب ....