كنت مفكر

بقلم الشاعر اللواء/ محمد هيكل

كنت مفكر … إني اما اكبر ………. هبقى فراشه
ومفيش حاجه إسمها أحزان … ودموع متحاشه
وان جميع أحلامي ….. ف طوعي
و ان السما و الارض ……. بتوعي
واني هعيش في الدنيا دي .. باشا
وان قلوب الناس …… راح تفضل
ليل و نهار …. مليانه ….. بشاشه

كنت مفكر …. إن العيشه ……… سعاده و بيت
وسكة بتحضن .. خطوة رجلي .. فين ما مشيت
و ان مفيش حاجـة اسمها خوف من بكره نهـائي
و إني هعيش في الدنيا دي …. زي انا ما اتمنيت
كنت مفكر … إني هكون …… فارس ب حصانه
زي ما أمي و ستي …. حكـولي .. في الحواديت

و إني هكون …….. الشاطر جدا
واخطف .. فوق السرج … نعيمه
و نعيش زي الطير … ع الشجرة
و نعمل .. من أحلامنا …. وليمه

كنت مفكر ….. في حاجات ياما
وكل مشاكل الكون … ح اهزمها

بس كبرت … لقيت ……. أيامي
مش هيه .. اللي انا كنت راسمها

الاحلام … حلفت …. ما تجيش
و الايام ………. ما بتضحكليش
و ان الدنيـا …….. ما فهمتنيش
و ان انا عمري ما كنت .. فاهمها
.
.
.