بقلم الشاعر المبدع / رأفت عبد العال
قالوا الربيع بيموت
بفعل الملل
يطرح لو حضن الصفا
يدبل لو مسه الجفا
وربيعنا فات على كل حال
غمره الحنين غمره الآهات
راح اوصفه
زي العيدان الدبلانين
زي السواقي العطشانين
وازاي حنينا ينولد ؟!!
والشيب ضرب على وريده غيام
أيام وفاتت بس سابت في العيون مليون سؤال !!!
خلص الكلام لكن الدموع جوه العيون اتألمت
من غير كلام اتكلمت
طرح الملل فدادين آهات
والذكريات تماثيل خشب
جوه السكات اتمددت
