بقلم الدكتورة / رحاب العربي
ساعات بنسأل نفسنا إزاى نكون أقوياء نفسيا
أكيد في البداية زى ما تعودنا اللجوء لخالقنا سبحانه وتعالى نطلب منه المدد لأن الأمر كله بمشيئته
وبعدها لازم نتوقف عن إحساسنا إن إحنا ضحية نتيجة تصرفات غيرنا ونفهم إن التعافى من الصدمات مسئوليتنا إحنا مش أي حد تانى
وبعد كده نتقبل التغيير في حياتنا ( للأفضل طبعا ) ونخرج من منطقة الراحة اللى بتخلينا مش نتعلم اى حاجة جديدة
ونقول لنفسنا دايما إن كفاية العيش في الماضى وإسترجاع الذكريات اللى يتضايقنا
نتوقف عن خوفنا من الفشل ( لازم تجرب وتحاول أيا كانت النتيجة )
وآخر حاجة منحاولش نكون زى أي حد تانى ( لكن نسعى نكون أفضل من ذاتنا في
الماضى )
وأهم حاجة طبعا ما نستسلمش أبدا ونكمل ..
