كتبت / عبير سعيد
تسلمت الكاتبة هبة السيد وزوجها الأستاذ أيمن رجب شهادة الدكتوراة الفخرية من البورد المصري الأمريكي لعلماء التنمية البشرية لإبنهما الشهيد عمرو أيمن رجب رحمه الله وجعله في فسيح جناته
وقد قامت الأم هبة السيد بإرثاء ولدها عمرو وقالت :
‘من كام يوم كده عدي في بالي واحد كان روح بالنسبالي ..
انسان كان اطيب خلق الله وكان دايما يسأل علي حالي ..
زي الايام دي في وقت بعيد كان جنبي وكنت بطل عليه
واهو راح واتمدد تحت الارض وروحه اتسحبت فالعالي
اصعب احساس حد يحسه يصحي من النوم عارف أنه
في حد صحيح كان بيحبه وخلاص مبقاش موجود منه
لا هينفع يتكلم وياه ولا يضحك ولايتمشي معاه
يضطر يعيش عمره بدونه ولو مش برضاه غصباً عنه ..
ازاي تتعود علي انسان فا يروح ويقولك انساني
تحفظ تفاصليه واطباعه وبعديها مبتشوفهاش تاني
بسهوله وعادي تلاقي الكون بقا ناقص واحد بتحبه والدنيا بتمشي وبتكمل وانت اللي لوحدك بتعاني ..
ازاي النيل لسه بيجري وازاي الشمس بتطلع نور
وازاي اما انت مشيت ياحبيبي الناس كلها مبكتش بحور
ازاي الكون مخلصش خلاص مع انك بالنسبالي الكون
واتاري الدنيا مبتهديش بيك او من غيرك عادي تدور
اما أنا من يوم ما انت اتوفيت وانا فيا مكان ضلمه ومكسور
ازاي رمضان يجي عليا وانت اللي تغيب عني ومتجيش ..
والعيد البسله الجلابيه واصلي لوحدي ومتصليش !
وازاي يا ابو قلب ابيض هنسي وكل التفاصيل صورتك فيها ؟
فاكر هتموت يعني لوحدك ! منا مت معاك مش عارف اعيش ..
علقت وجودك بالايام فا غيابك بقع عالايام
ومشيت ع طول من غير متقول ولاروحت لحد تسبلي سلام
ووحشني صحيح رغم عتابي وكلامي الصعب المتكعبل بس
الاحساس بعدك اصعب وميتلخصش في اي كلام
مين قال إن الدنيا بتمشي لما الغاليين عنا بتمشي وإن احنا بنقسي ونتعود والوقت طبيب بينسينا في ناس بتروح وتغيب لسنين وتفضل ذكرهم فينا
بنعيط بعنينا شويه بعديها نعيط بقلوبنا ونبان جامدين قدام الناس والسيره أن جات بتبكينا
طب تعرف ليه حزنك دايم وفراقك عمره ما كان هين
علشان والله مشوفتش حد كان زيك طيب وحنين
كان غاوي يراضي اللي يحبوه ويديهم عينه وأيامه
ولاعمرك يوم كنت بتشكي وتشيل الهم ولا تبين
بتزعق أد ما بتزعق ويبان في عنيك انك طيب
ومشيت من بعدك ولا انسان كان راضي يواسي ويطيب
معرفتش قيمه شئ موجود غير لما الشئ راح من ايدي
طب بص يا سيدي ارجع وهقول علي اي كلام حاضر طيب
سلملي عليك وبلاش تزعل لو كنت بسيبك وحداني
لو يوم ضيقت دماغي عليك وعملت اللي يضايقك تاني
من مده مجتش تطمنى و بنام و استنا انك تيجى بدعيلك و كمان هدعيلك
انا زى الفل و مستنى عمرى اللى هيخلص و هجيلك
فالرحمه إليك وعليك واجبه “
ثم قامت بشكر الكاتب السعودي والمحلل السياسي والخبير الإستراتيجي الدكتور حمود الرويس الذي حضر معهم التكريم .. ثم قامت بشكر معالي السفير حسن رجائي والمستشار خالد السفير
