بقلم الشاعر / خالد عمروني
جتك ٦٠خيبة
مفتكرتش محمود عمل ايه
لأجل انه ينقذ بنت م إيد كلاب
كنت زعلان اوي يا وش الغراب
انها مش عايزاك
مش شايف غيرها
وشايفها ملاك
كداب وجاهل
محدش ياعبيط يستاهل
وانت عارف ده اكيد
عامل ع بنت راجل
يامريض
هانت عليك تشوفها بتنزف ف دمها
وقال ف ناس بتقول انك كنت بتحبها
حب ايه ده ده ملعون ابوه حبك
وملعون ابو ال يحبك
الحب تضحية وعطاء من غير مقابل
الحب انك متبقاش عليها لأي حزن قابل
الحب محتاج لراجل
راجل يبقي لحبيبته صاحب وأخ
قبل مايكون حبيب …
ويحارب بشرف عشان يقباله
فيها قسمة ونصيب ..
ويفرحلها لو اختارت غيره
وعمره برضه ليها ف محنة مايسيب …
ده الحب وده معناه
لكن ال عملته الكلب والله مايعملو..
حب ايه ال يخليني
اعمل ابشع شئ ولنفسي احلله ..
ضميرك ارتاح خلاص
عشان نهيت حياتها ..
اهي ماتت شهيدة
والناس كلها عرفتها ..وانت ياعالم جزاءك عند ربنا ايه
مستحيل ال عملته ده هيرضيه
