بقلم / عاشور كرم
هبعد ما تبعد
خلاص خلصت الحكاية
مابقتش فارقه معايا
مات وانتهي اللي جوايا
ماعادش له وجود
ما انت رسمت الحدود
وقطعت الازهار والورود
جعلت الهجر طريق مسدود
هتبعد ما تبعد
ماخلاص مليت عذاب
والقلب مات ودااب
و اندثر في التراب
وجااي تقول بعاد
ابعد ماعاد لك أحباب
وتعبت من العتاب
والا أمته هفضل عايش
كده في وهم وسراب
ابعد ماعاد لك لزوم
أنت اللي أقمت السدود
منعت الاحساس بالوجود
طول ما انت فيه موجود
ابعد أنا أصبحت طليق
للورد أنا له رحيق
بارسم لوحدي طريق
للأمل دايما رفيق
والوفا هو الأساس
خلاص يا بن الناس
بطلنا خلاص ننداس
للكرامة والعزه ناس
