بقلم الشاعر اللواء / محمد هيكل
أنا عندي هنا الدقات ……….. بتزيد
أنا عندي وريد
عمـال … ينقح ……… على أشواقي
أنا مش لاقي ..
تفسير .. ل الحـاله …. اللي أنا فيهـا
و بحس كده …….. ان انا مش قادر
و مشاعري …… بتنزف …. وحديها
و بحس … ب غـزه …. ف شــرياني
و بحس .. ب لـذه ….. ان جت تاني
و بدوب ….. و اتونس .. قـوي بيهـا
متاخد كده …….. مش على بعضي
سـرحـان و مسهـم ….. في حيــاتي
و لا بعـــــرف أداري ….. و لا بخبي
و فاضحني .. النبض …… و دقاتي
فيه حاجات ف القلب …. بتوجعني
و بحس …. ب تنميـل .. في وريدي
و حنيني ساعات …. مش بيساعني
و بتــوه … بين .. حيرتي و تنهيدي
فيه .. خضه ……… بتحصل جوايا
من ضغط الشوق ….. اللي ف دمي
دكتوره قوليلي ……. على .. دوايا
و اكشفي .. من فضلك … و اهتمي
أنا .. قولت .. الحاله …. و سمعتك
و القلب ماخباش … حاجه .. عنك
إسمعي … دقاته …… ب سماعتك
أنا .. قلبي أهه ……. قدام … منك
إعملي منظـار … أو حتى .. سونار
إكتبي .. من قلبك … له … برشـام
أنا … عاوزك بس … تطفي .. النار
اللي … ما بتسيبش … القلب ينام
دكتوره …….. أنا سلمت … نهائي
و القلب … اتقطع …… 100 حته
دكتوره …… أنا عارف .. إيه دائي
و منيش محتاج ……. أي روشته
وحياة .. شريان .. قلبي .. التاجي
و لقاكي …….. اللي .. يرد الــروح
إنتي القسطره …. و انتي علاجي
و جنينة … قلبي ……… المفتوح
