بقلم/ زينب سليم أحمد
واهو رص كلام وحوار فاضي
دا عاملي ناقد …. ودا قاضي
وكلام ونزاع عملولنا صداع
وكتير أوضاع … ونقول عادي
ومزاد عاملينه ……. وآلا آونة
ع المتصابي …. وع المجنونة
بين كاس وازازة خدوا أجازة
قضوها … في غردقة والجونة
ومراته فــ ثانية اوام عرفت
قومت الدنيا ….. عليه وقلبت
فردتله ملاية عاريته فــ مرايا
فضحت أسراره كدا وكشفت
واتعرض الموضوع ع الساحة
بطريقة غريبة …… وقباحة
دخلوا اغراب ولاعملوا حساب
ولا عشرة …. فردولها مساحة
وأخبار الباشا .. بقيت مانشيت
على كل لسان ..والفيس والنت
وبكل وضوح … الواد مفضوح
مطرح مايروح هو والست ..!!!
يا صاحبي كفاية ومايصحش
في الأعراض ليه عمال تنهش
دا جواز وطلاق وتقول أخلاق
