بقلم الشاعر المبدع / رأفت عبد العال
ولا تخافي من الطعنة
اللي في ضلوعي ولا تخافي
من الإحساس في دموعي
ولا تخافي من الأوقات
ولا تحكي عن الأزمات
يانهر الملح ياراكبة على قلوعي
يا واخداني في سكة آه
وظالمة الحلم برجوعي
أنا كنت الطريق ليكي
أنا يومك وغناويكي
وتنسيني واناجيكي
ولا تخافي من اللايمين
ولا تقولي بعدتي سنين
ولا شربتيني في كاسك
حنين في حنين
ولا رسمك في أوصافي
ساكنني سنين
ما أنا برضه اللي في هواكي
عرفت أنا مين
أنا التايه في أوقاتي
أنا الغلطان في حساباتي
عشقت سراب في نبضاتي
وقُلت اتحنى بسكاتي
عشان اسلم من الطعنات
واصحح كل حساباتي
واعيد من تاني أوقاتي
والملم كل حكاياتي
واعيش ناسك في صلواتي
فلازم أقطع الشريين
واسد النهر لهواكي
وكلمة ياه من اللايمين
اسكن في الضلوع صوان
مكان قلبي إللي في هواكي
ظلمني سنين
واكون فارس من الفرسان
ولو عشت الحياة عمرين
أنا رافضك بتفاصيلك
ولا عمري هغنيلك
راح اكتب كلمة على قلبي
تقول مطعوووووون وللتحسين
